Dortmund-in goal ruk an khung

14th August, 2023

Bundesliga la ṭan lo mah se tunkar tawp khan German football khelh ṭan a ni a, DFB-Pokal first round khelh a ni.

Borussia Dortmund chuan German fourth division club TSV Schott Mainz chu 6-1 in an sawp. Dortmund tan player thar Marcel Sabitzer-a'n goal a khung nghal a; Sebastian Haller-a'n goal hnih a khung bakah Julian Brandt, Donyell Malen leh Youssoufa Moukoko ten goal khat ṭheuh an khung.

Inkhel dangah club lian dang Bayer Leverkusen, Schalke, Borussia Monchengladbach leh Stuttgart te pawhin harsatna nei loin hnehna an chang ve bawk.