Bayern hnehin Leipzig champion

Inrinni zan khan German Super Cup-ah RB Leipzig chuan team ṭha zawka ngaih Bayern Munich chu 3-0 in an hneh. Goal pathum hi Dani Olmo khung vek a ni.

Bayern lamin striker thar Harry Kane thawhchhuah pui nghal mah se khelmual chhunga langsar ber chu Olmo a ni a, ani hian minute thumna lekah goal khung ṭanin, chawlhlawk hma chiah leh second half-ah goal a khung belh.

Spanish midfielder Olmo chuan, "Thil mak danglam tak chu a ni, chutihrualin minute 90 chhung khan kan theihna zawng zawng kan hlan a, hnehna chan kan beisei ngam bawk avangin tun hun kan thleng," a ti.

RB Leipzig hian August 19, Inrinni zan khian Bundesliga season thar an match hmasa ber an khel dawn a, khualmualah Bayer Leverkusen an lenchilh ang.