Costa-a'n Botafogo a pan

Chelsea leh Atletico Madrid striker hlui Diego Costa chuan Brazilian league hmahruaitu Botafogo a zawm, club nei loa awm lai a nih avangin man nei loin club thar hi a zawm a ni.

Kum 34 mi Costa hian June thla khan Wolverhampton Wanderers a chhuahsan a, tuna a club thar tan hian thla li daih contract a ziak, kumin November thla thleng atan an inrem.

Costa hi a vanglai chuan khawvel striker hriam leh hlauhawm berte zinga mi a ni phak, mahse tunah chuan a vanglai a pel tawh, season hmasa khan Wolves tan Premier League match 23 khelin goal khat chiah a khung.

Botafogo-ah hian Wolves tana a khelh laia an manager Bruno Lage nen bawk an thawk dun leh dawn a ni.