Wolves-ah Kilman a nghet

Wolverhampton Wanderers captain Max Kilman chuan kum nga daih contract thar a ziak - Premier League club Wolves tan chuan chanchin lawmawm a ni ang.

Kum 26 mi defender hian season hmasa khan Premier League match khelh loh pakhat chiah a nei, a contract hmasa kha kum 2026 thleng daih ni mah se hun rei zawk atana thlun ngheh hi an duh a ni.

Khawthlang chanchin-buten an tarlan dan chuan, Italian champion Napoli chuan Wolves captain hi pound maktaduai 30 zetin lakluh an tum a, mahse an dilna hi English club chuan an lo hnawlsak.