Monaco chak chiang

Pathianni zan French Ligue 1 inkhelah AS Monaco chuan Clermont 4-2 in an hneh a, point thum hlawh chhuakin season bul an ṭan fuh hle.

Monaco tan hian Wissam Ben Yedder-a'n goal hnih a khung bakah Vanderson leh Maghnes Akliouche ten goal khat ve ve an khung a, league table-ah pahnihna dinhmun an luah.

Inkhel dangah Rennes chuan an mikhual Metz chu 5-1 in an hneh a, goal difference nei ṭha berin hma an hruai. Champion lai Paris Saint Germain erawh Inrinni zan khan Lorient nen goal awm loin an inhnehtawk a ni.