Messi hriatthiam a harsa - Martino

Inter Miami head coach Gerardo Martino chuan an team tana Lionel Messi hnathawh chu ropui a tih thu a sawi a, hun rei lote chhunga danglamna a thlen chu hriatthiam a hatsat zawk hial thu a sawi.

Messi an neih hma khan Inter Miami hian an match hnuhnung 11-ah chak ni hmel an hmu lo. Barcelona captain hlui Messi an neih chinah erawh match nga khel tawhin an la chak fai vek.

Inter Miami coach Martino chuan, "Khawvela player ṭha ber kan nei a, hei chu phat buai theih a ni lo. Danglamna nasa tak a rawn thlen a, tunah chuan player dangte pawh an inringtawk vek tawh.

"A tel lo chuan Barcelona khan ngai an awh thei lawk lo a, chutiang bawkin a tel lo chuan Argentina team tan pawh a harsa. Keini pawh a tel lo chuan kan ṭha tawk lo," tiin an Captain pawimawhna a sawi.

Inter Miami tan Messi hian match nga aṭangin goal riat a khung der tawh a, tunah chuan Leagues Cup semifinal an lut fel tawh. August 16, Nilaini zingah Philadelphia nen final luh an inchuh leh ang.