G90's an champion nawn

Veteran I Day Football-ah G90's-in nomawi humhim turin 2K Generation 4-2 in an hneh. RG Stadium-a inkhelah hian goal ruk ngawt a lut a, hun tawp thlengin inkhel a nung ṭha hle.

G90's inkhel bul an ṭan ṭha a, Hmingthansanga Zadeng-in minute lina lekah goal hmahruai a khung. Amaherawhchu 2K lamin S. Malsawmtluanga hmangin si phurh an sut a, 1-1 ni hman mah se first half-ah vek Ari Benjamin LR Hmar hmangin G90's-in hma an hruai nawn.

Second half-ah Hmingthana hmangin G90's-in goal an khung belh a, 3-1 a ni hman. 2K beiseina siam turin Samuel Lalhruaitluanga'n goal a rawn khung a, inkhel a nun phah hle. Injury time-ah Mizo striker ṭha an sawi apianga an sawi ṭhin Lalvulluaia'n G90's chak nemnghehna goal a rawn khung.