A hunah PUC an par

Hmeichhe I Day Football inelnaah Pachhunga University an champion a, final-a an hneh hi an elpui Hrangbana College a ni. Inelna hi Directorate of Food, Civil Supplies & Consumer Affairs sponsor a ni a, team paruk zingah PUC an dingchang.

Group stage-ah team paruk hi vawi khat ṭheuh an inkhel kual a, Hrangbana College hi hneh loh nei loin pakhatna an ni. Final-ah erawh PUC-in an defender K. Ngopawdi an chhawr ṭangkai a, ani hi Hero Indian Women's League-a Sethu tana khel tawh a nih avangin a tawnhriat hi a hlu hle.

Inkhel inhnehtawk takah PUC an vannei a, minute 79-naah Vanlallawmawmi'n chakna goal a khung. PUC-in Hmeichhe I Day Football nomawi an chawi a, an elpui Hrangbana College an hneh avangin nomawi hi a hlu zual ang.