Kum 43 mi Williams a chak

American veteran player Venus Williams chuan nimin zing khan Cincinnati Masters-ah Veronika Kudermetova a hneh. Kum 43 mi Venus hian tun hnai kum li chhungin ranking sang zual 20 zinga mi a hneh vawi khatna a ni.

Grand Slam vawi sarih champion tawh Venus hian set a hloh hmasa a, mahse world number 16 Kudermetova hi 6-4, 7-5 in a hneh let. World number 533 Venus tan chuan chanchin lawmawm bik a tling ngei ang.

A match lehpekah chuan Williams hian Qinwen Zheng leh Aliaksandra Sasnovich te inkhela chak zawk a hmachhawn leh dawn, a chak leh thei a nih chuan Cincinnati-ah hian kum 2019 hnua a chak zawn lehna hmasa ber a ni hial dawn a ni.

Mipa inelna lamah Andy Murray chu a dul hliam vangin a la inkhel thei lo. World number 1 hlui Murray hi Candian Open-ah pawh hliam vangin a buai tawh a, a duh angin US Open inbuatsaihna a nei ṭha thei ta lo.