Maguire-a'n United a cham a duh

Harry Maguire chungchangah Manchester United leh West Ham United ten inremna nei tawh mah se England defender-in Old Trafford chhuahsan a tum lo.

Kum 30 mi Maguire hian season liam ta khan khelhna hmun a chang pha lo a, tun season ṭantirhah captain nihna an hlihsak chungin khelhna hmun chan tuma beih a thlang.

Man United pawhin Maguire-a thutlukna an zahsak a, chhuak turin an nawr lui dawn lo. Khawthlang media te tarlan danin Maguire hian West Ham leh David Moyes zah viau mah se Hammers nen hian mimal inremna an nei hman lo, niin an ziak.

Premier League match hmasa berah Man United-in Burnley 1-0 in an hneh a, Erik ten Hag-a'n player panga a thlak. Central defender Lisandro Martinez pawh a thlak a, Victor Lindelof a luh zawk avangin bench-ah Maguire a ṭhu tluan.

Maguire hian club sulhnu nei ṭha United leh UCL khel club-a khelh a la ngai pawimawh a, United-in hlawh an pe ṭha bawk. Hammers tan United hlawh pek ang zat pek theih a ni lo.

Chutihrualin Maguire hi United ṭantute zingah a tla na lo a, fan-te mit tlung pha leh tur chuan a insiamṭhat viau a ṭul dawn a ni.