MFA-in champion team a hmuak dawn

Mizorama football thuneitu sang ber MFA chuan Sikkim Independence Day football tournament-a champion Khawzawl Vengthar FC a hmuak dawn.

MFA aiawha kal Khawzawl Vengthar FC hi vawiin chawhma dar 10:15 hian Lengpui Airport-ah an rawn ṭum dawn. Champion team hi MFA chuan Sihhmuiah chhun chaw a kilpui ang. Anmahni hruaina tur hian MFA chuan bus a tir dawn bawk.

PC Lalchhanchhuaha (Lalnaua) kaihhruai Khawzawl Vengthar hian final-ah Sikkim Police XI chu 3-1 in an hneh. Palzor Stadium, Gangtok-a inkhelah Sihtlangpui tlangval Lalkrosmawia'n goal hnih a khung bakah PC Lalramthara chuan goal khat a thawh ve bawk.

Khawzawl Vengthar tan tun I Day Football hi chanchin chhinchhiahtlak a ni. Sikkim-a Chogyal Sir Tashi Namgyal Memorial Cup-a nomawi an chawi bakah Khawzawl DFA buatsaih Deputy CM Trophy-ah an champion bawk.