Samuel-a'n inkhelh a chawlsan

5th November, 2020

West Indies batsman Marlon Samuels chuan cricket inelna hrang hrang aṭanga a chawlh thu nimin khan a puang.

Samuels hi T20 World Cup 2012 leh 2016 final-a Sri Lanka leh England an hneh ṭumin run siam tam ber a ni ve ve a, player of the match ni ve vein West Indies vawi hnih a champion pui.

Kum 39 mi Samuels hian October 2000 aṭangin ram tan a khel ṭan a, Windies tan Test vawi 71, ODI vawi 207 leh T20 vawi 67 a khel a, run 11,000 siamin wicket 152 a la a ni.