Saudi vanga bang ka ni lo - Mancini

Roberto Mancini-a'n Italy coach a nihna a bansan a, a ban chhan hi chiang taka tarlan ni lo mah se Saudi Arabia ram enkawl tura sawmna duhawm tak a hmuh vang niin an sawi, mahse hei hi a pha thung.

Azzurri hian Euro 2024 qualifying an khel leh hnai tawh, hun tepter tawh takah Mancini hi a bang - Italian football federation chuan an coach hmun ruak luah tur hi an la puang rih lo.

Khawthlang chanchinbu mite chuan, coach Mancini hian euro maktaduai 25 zet hlawh turin sawmna a dawng niin an sawi. Gulf ramah hian kal ni se la chuan hun rei lote chhungin sum tam tak a hlawh thei dawn tihna a ni.

Mancini chuan, "Football manager ka ni a, sawmna duhawm leh ka lungawina tak hmu ni ila chuan ka pawm ang, mahse tuna thuthang awm erawh Italy coach hna ka bansan chhan erawh a ni lo.

"Team enkawl hna hi chawlhsan mai chu ka la tum lo, remchang ka hmu a nih chuan ka la thawk chhunzawm zel ang. Chutihrualin tunah chuan Saudi Arabia nen inzawmna kan nei lem lo," tiin a sawi.

Italy hian Euro champion a nih hnuah Qatar World Cup khel turin an tling phak lo, tunah hian Euro 2024 atan an inbuatsaih leh mek a ni. September thla hian Norch Macedonia leh Ukraine te an hmachhawn ang.