Hyderabad-in playoff an thleng

Indian Premier League-ah Sunrisers Hyderabad-in playoff thleng turin Thawhlehni zan khan Mumbai Indians wicket 10-in an hneh. Hyderabad hian eliminator-ah Royal Challengers Bangalore an hmachhawm ang.

Sunrisers-in playoff an thlen tak avangin Pathianni zana Rajasthan Royals hnehtu Kolkata Knight Riders beisei a tawp ta thung. 

Sharjah Cricket Stadium-ah Hyderabad-in vawm hmasak an thlang a, Sandeep Sharma-a'n wicket thum lain run 34 a pe. Chutihrualin player of the match-ah Shahbaz Nadeem thlan a ni a, ani hian wicket hnih la mah se run 19 lek a pe thung.

Mumbai hian run 149/8 chauh an siam a, Hyderabad tan target harsa a ni ta lo. Sunrisers opener pahnih David Warner (85*) leh Wriddhiman Saha (58*) ten thi loin over 17.1-ah run 151/0 siamin an target hi an umpha a ni.