Tsitsipas hnehtu Humbert

Paris Masters khelh laiah seeded pahnihna Stefanos Tsitsipas chu a match hmasa berah a chak lo. Greek tlangval hi tualchhung player Ugo Humbert lakah 7-6(4), 6-7(6), 7-6(3) in a tlawm.

Thawhlehni zan inkhelah Tsitsipas a che fuh thei lo, match point hmasa pathum chu in chhanhim hram mah se a palina a dang zo lo. Vawi 19 ngawt aces siamtu Humbert-a'n chak a phu zawk.

Inkhel dangah Stan Wawrinka chuan Britain number 1 Dan Evans chu 6-3, 7-6(3) in a hneh a, seeded pariatna David Goffin erawh Slovak Norbert Gombos lakah 6-4, 7-6(6) in a tlawm thung.

Nizan khan world number 2 leh seeded pakhatna ni bawk Rafael Nadal-a'n a match hmasa ber a khel, Spanish tlangval hian a hnampui Feliciano Lopez hmachhawnin result kan hre hman lo.