MFA-in champion an hmuak

Sikkim Independence Day Football Tournament-a champion Khawzawl Vengthar FC chuan nimin khan Mizoram an rawn thleng a, Mizoram Football Association chuan Sihhmuiah champion team hi an hmuak. 

MFA hian Khawzawl Vengthar FC team hruaina turin bus an tir bawk. Champion team coach PC Lalchhanchhuaha chuan, "Gangtok-a Mizoram tan champion kan ni thei hi kan lawm hle. Pathian hruaina leh Mizo mipuite ṭawngṭaisakna vang a ni," tiin a sawi a; Sihhmuiah hian MFA buatsaih chaw chhun an kil ho nghal a ni.