Maradona an zai hlawhtling

Argentina legend Diego Maradona chu a thluak zai a ni a, amah enkawltu doctor chuan hlawhtling taka an zai bakah enkawlna ṭha tak a dawn thu a sawi chhuak.

World Cup 1986-a an ram champion puitu Maradona hi Thawhṭanni khan damdawi inah dahluh a ni a, a taksa a chak loin a dawldang hle bawk.

Maradona-a mimal damdawi thiam Leopoldo Luque chuan, "Tluang taka zai a ni, enkawl zui a ni ang. Ngaihtuah awm a ni lo a, enkawl harsa khawpa buaina a nei lo," tiin a sawi.

Kum 60 mi Maradona hian Argentina rama league sang berah Gimnasia y Esgrima a enkawl mek a, an ram league hi khelh chhunzawm leh thei tawh mah se a hriselna dinhmun a ṭhat loh avangin khelmualah a lut leh thei ang em tih chu zawhna a ni.