Inter Milan-ah Arnautovic

Serie A team ṭha Inter Milan chuan Austrian forward Marko Arnautovic chu Bologna aṭangin an la lut, season khat chhung atan loan hmangin an hawh dawn a ni.

Italian chanchinbuten an tarlan dan chuan Inter hian Bologna hnenah euro maktaduai 10 an pe a, a loan hun a zawh hnuah an duh a nih chuan a nghetin an la chhunzawm nghal thei ang.

Kum 34 mi Arnautovic hian San Siro-ah tun hmain sulhnu a lo nei tawh. Jose Mourinho kaihhruaina hnuaiah 2009-10 season kha a hmang a, inelna lian pathum Serie A, Champions League leh Coppa Italia nomawi an chawi kim vek.

Inter chuan thuchhuah siamin, "Arnautovic hian pianpui thiamna sang tak a nei a, tharum a ngahin player ṭha bik zinga mi a ni. Ani ang player kan nei thei hi a lawmawm kan ti hle," tiin an sawi.

Tun nipui bazar chhungin Inter Milan hian Marcus Tharum chu man nei loin an lo la lut tawh bawk.