October 24-ah veng/khua futsal inelna

Mizoram Football Association leh Tlangnuam Games & Sports Association ṭangkawp chuan D. Buanga & Sons Inter Village Futsal Tournament 2023 an buatsaih dawn. October 24, 2023 aṭangin Tlangnuam Futsal Ground (Phillip Remthanga indoor stadium) ah khelh ṭan tur a ni.

Local Council/Village Council khat aṭangin team hnih aia tam lo tel theih a ni a; Voter ID an nei ngei tur a ni. Kum tling lo, voter ID nei lo tan Aadhaar card a hman theih ang.

Mizoram futsal inelnaa lawmman tam berna tur a ni a, a duh apiang tan tel theih a ni ang.