Paul lakah Alcaraz chak hram

Carlos Alcaraz chuan harsa takin Tommy Paul a hneh hram a, inkhel hnehtawk takah Spanish tlangval hi 7-6 (8/6), 6-7 (7/0), 6-3 a chakin Cincinnati Open khelh laiah quarterfinal a lut.

Ningani zan inkhelah Alcaraz hi a fimkhur, an intawn hnuhnung Toronto Masters-ah khan Paul a zawk a chak. Tun ṭumah pawh hian American player hi a khel ṭha hle a, mahse darkar thum chuang an inkhelh hnuah a chak nawn thei ta lo.

World number 1 Alcaraz chuan, "Kar hmasa lawka thil thleng kha ka la hre reng, chuvangin chak ka duhna a sang zual hle," tiin a sawi. Quarterfinal-ah chuan Max Purcell nen an inhmachhawn leh ang.

Inkhel dangah Alexander Zverev chuan Daniil Medvedev 6-4, 5-7, 6-4 in a hneh. Player pahnih hi hard court hmangthiam an ni a, tun thla tawpa khelh tur US Open atan pawha rinkai ni phak an ni.

Russian tlangval Medvedev ang bawkin Stefanos Tsitsipas a chak lo. Greek player hian Polish tlangval Hubert Hurkacz chu 6-3, 6-4 in a ngam lo.