Lokomotiv-in Atletico an chelh

UEFA Champions League group A aṭangin Bayern Munich an tlang mai dawn a, Atletico Madrid hmabak erawh a awlsam dawn lo. Diego Simeone hote hi Thawhlehni zan khan Lokomotiv Moscow nen 1-1 in an inhnehtawk. 

Spanish club hian Jose Giminez hmangin minute 18-naah hma an hruai a, minute 25-naa Anton Miranchuk penalty hmangin Lokomotiv-in an sut. Atletico hian 66% ball an chang a, goal attempt pawh vawi 14 zet nei mah se goal an khung belh lo.

Atletico manager Diego Simeone chuan, "Lokomotiv-in goal venhim hna an thawk a, an goalkeeper a che ṭha bawk. Kan khel ṭha a, goal pawh nawr na mah ila goal kan khung thei tlat lo," tiin a sawi.