Porto-in Marseille an sawp

Champions League-ah FC Porto-in Moussa Marega, Sergio Oliveira leh Luiz Diaz te goal hmangin Marseille 3-0 in an sawp. 

Porto hian kartawpah Pacos Ferreira 3-2 in an hneh lo a, Marseille lakah an tho chhuak nghal. Portuguese club hian point ruk hmuin knockout stage lut turin dinhmun ṭha takah an ding.

Porto coach Sergio Conceicao chuan, "Kan khingpuite chakna leh chak lohna kan hriat hi a pawimawh a, an chak lohna laia chhut theih a pawimawh. Kan tumah kan hlawhtling a, chutihrualin Marseille khan penalty chu khung se inkhel a danglam thei ang," tiin a sawi.

French club hian siphurh sutna hun ṭha penalty hmangin an nei a, Premier League-ah pawh hming chher tawh Dimitri Payet-a'n a hlah a ni.