Champion hnem ber Messi

Lionel Messi chuan football a khelh hun chhungin nomawi 44 a chawi tling ta a, khawvel player awm tawh zingah ani aia title la hnem an awm lo - a lak belh leh a nih pawhin a mak lo ang.

Barcelona tana a khelh laiin Messi hian nomawi 35 a chawi, Paris Saint Germain (3 titles) leh Inter Miami tan pakhat lain, an ram Argentina tan title panga a la tawh bawk. Dani Alves nen record inṭawm (43 titles) an neih chu a kalsan ta a ni.

Leagues Cup final-a Nashville an hneh theih nan Messi hian box pawn aṭangin goal mawi a khung a, inelna pumpuiah match sarih a khelh aṭanga goal 10 a khungna niin, goal khung hnem ber a ni nghal bawk.

Top scorer a nih bakah Messi hian a ṭhiante khung tur vawi khat a siamsak a, ṭum ruk tehmeuh chu man of the match atan thlan niin, a tawpah best player atan thlan a ni bawk a, mimal chawimawina hlu a hum haw a ni.

Messi-a khelhpui Spain midfielder Busquets chuan, "Team chhunga awm zawng zawng kan hlim vek, team nghel leh khawng tak kan din thei. Leo kan nei a, ani hi khawvela ṭha ber a nih avangin danglamna a siam ṭhin," tiin a sawi.