Goal nen Mbappe a lo kir

Kylian Mbappe chuan Paris Saint Germain tan Ligue 1 match a khel ve leh ta a, penalty khung leh nghal mah se Toulouse nen 1-1 in an inhnehtawk a, tun season match hnih an khelh tawhah chak an la nei lo.

Inrinni zan Ligue 1 inkhelah Mbappe hian PSG tan minute 62-naah penalty a khung, khualmualah an chakpui dawn niin a lang hman. Mahse, hun tawp hma minute thum chauh awm tawhah Morocco forward Zakaria Aboukhlal chuan sutin point an insem.

France captain Mbappe hian contract thar a ziah duh loh avangin club nen an inhmu thiam lo a, mahse tun dinhmunah chuan an buaina hi chinfel a ni rih niin a lang. Kumin July 21 hnua a vawi khat nan Paris club tan a inlan ve leh ta a ni.

Training pawh pangngai takin a nei leh tawh - Toulouse lakah hian inkhel bul ṭantu zingah la tel chiah lo mah se, tun kar tawpa Lens an mikhual hunah chuan a tir aṭangin a khelh ngei a rinawm.