Al Hilal pantu Mitrovic

Aleksandar Mitrovic chuan Fulham aṭangin Al Hilal a pan. Saudi Pro League tan hian tarhmaah Neymar nen an inkawp dawn tihna a ni a, hmatawng hlauhawm tak an ni thei ang, kum 2026 thleng daih contract a ziak.

Serbian striker man zat hi chiang taka tarlan a ni lo. Premier League club Fulham hian an player hralh to ber a nih thu erawh an sawi, khawtlang chanchinbu mite chuan pound maktaduai 50 man niin an sawi thung a ni.

Al Hilal-ah hian Mitrovic leh Neymar te chauh an ni dawn lo. Tun nipui bazar lai pawhin Chelsea defender Kalidou Koulibaly leh Wolverhampton Wanderers midfielder Ruben Neves te pawh an lo lei tawh bawk.

Kum 28 mi Mitrovic hian 2018 khan Newcastle United aṭangin Fulham hi a zawm a, inelna hrang hrangah match 205 aṭangin goal 111 a khungsak a ni.