NPC Sheeru Classic 2023-ah Mizo che ṭha

India hmarchhak puala inelna National Physique Committee Sheeru Classic 2023-ah Bodybuilding and Fitness Association of Mizoram player-te an che ṭha.

Nimin khan Rajiv Bhawan, Silchar-ah inelna hi neih a ni a, Mizo pathum MK Manuel Hmar, John Lallawmzuala leh Isak Lalremruata ten medal an la.

Mister Mizoram ni lai mek MK Manuel Hmar, Kolasib chuan Mister Above 80 Kg-ah gold medal a la a, overall champion a ni bawk.

Lunglei tlangval John Lallawmzuala chuan Mister 50kg-ah Silver medal a la a. Classic Physique lamah Isak Lalremruata, Lunglei chuan above 70 Kg-ah bronze medal a la bawk.