Inter-ah Pavard leh Sanchez?

Inter Milan CEO Giuseppe Marotta chuan Bayern Munich defender Benjamin Pavard bakah an player hlui Alexis Sanchez te chu la thei dinhmuna an din thu a sawi.

Nipui transfer-a chhuak tura sawi Pavard hi DFL Supercup-ah inlan mah se Bundesliga match hmasa bera Werder Bremen an hneh ṭumin bench-ah a ṭhu tluan.

Marotta chuan, "Benjamin Pavard kan lak thu hi sawi thei kan la ni lo a, chutihrualin la thei turin kan dinhmun a ṭha. Pavard lak tumin theihtawp kan chhuah a, kan lak theih ngei pawh kan inring," tiin a sawi.

Sanchez chungchang pawh sawiin Marotta chuan, "Sanchez-a'n kan bula rawn khelh leh ngei a duh tih a rawn a lantir," tiin a sawi. Arsenal leh Manchester United forward hlui Sanchez hi season liam ta khan Marseille tan a khel a, contract a zawh tawh avangin 'free agent' a ni mek.