David-a'n goal li a khung!

Mizo striker David Lalhlansanga chuan Jamshedpur lakah goal li ngawt a khung a, Durand Cup-ah a Mohammedan SC chu 6-0 ngawtin hnehna a chanpui - goal hnih dang hi Mizo striker tho F. Lalremsanga khung a ni a, ISL club-in a chhanletna tur an nei lo.

Mahse, Mizo tlangval pahnih hian an team a chhanhim zo chuang lo a, match thum aṭanga point ruk hmu chungin Durand Cup an mangṭha - an group aṭang hian match thuma chak vek Mumbai City an tlang.

Vairengte tlangval David-a hian goal ruk khungin top scorer a ni mek a, mahse, an tlak tawh miau avangin goal khung hnem ber a ni thei ang em, sawi thiam a harsa.

Calcutta Premier Division khelh mekah, Aizawl FC striker hlui David hian goal riat a khung tawh bawk a, Rajasthan United striker hlui Remsanga pawh Kolkata club-ah hian a tlangnel nghal hle.