Tour de Hmuifang 2023

Mizoram Cycling Association leh Tourism Department chuan Mizorama thirsakawr intlansiak hautak ber leh hlimawm 'Tour de Hmuifang 2023' chu September ni 23 khian a buatsaih leh dawn a, entry fee pek hun a hawng mek.

Inelnaah hian a vawi khat nan hmeichhe category siam a ni dawn a, hetah hian kum bithliah bik loin, a duh apiang tan tel theih a ni.

Intlansiak hi MTB leh Road Bike category-ah ṭhen a ni dawn bawk. Elite-ah kum 2004 hma lama piang leh 1988 inkara piangte tel tur a ni a, junior-ah 2005 hnu lama piangte tel tur niin, masters-ah 1987 leh a hma lama piang te a tel theih ang.

Nimin aṭang khan entry tih theih niin, August 21-31, 2023 chhunga ti tan Rs. 300 a ni ang a, September 1-10, 2023 chhunga ti tan Rs 500 a ni ang.

Registration chungchanga hriatchiah duh nei tan Ph - 9612170219/ 9862325060-ah te zawhfiah theih a ni.