Ben Foster-a'n boot a khai

Manchester United keeper hlui Ben Foster chuan nimin khan professional football khelh a chawlhsan thu a puang. Kum 40 mi Foster hian League Two club Wrexham-ah a hun tawp a hmang.

English keeper Foster hian Manchester United tan league match 12 a khelhsak a; Watford leh West Brom tan Premier League match ṭhahnem tak a khel.

Foster hian England tan vawi riat a khel a, 2021-22 season zawh khan Watford chhuahsanin September 15, 2022-ah football khelh a chawlhsan thu a puang. Amaherawhchu, March 23, 2023 khan Wrexham keeper Rob Lainton a inhliam avangin a rawn kir a, Welsh club tan match 12 khelin League Two-ah a kaipui. Kumin June thla khan season khat atan contract ziak belh leh mah se inkhelh chawlhsan a thlang ta zawk.