Aston Villa an chak chiang

Transfer bazar-a sum hmang hnem Aston Villa-in tun season-a an league match hmasa berah Newcastle United chu 5-1 in ngam lo mah se, an match hnihnaah an insiamṭha lehnghal a, Everton chu 4-0 ngawtin an sawp!

Unai Emery enkawl team tan John McGinn chuan goal hmahruai khungin, Everton keeper Jordan Pickford-a'n Ollie Watkins a tihtluk avanga a penalty chawi chu Douglas Luiz chuan an goal hnihna turin a khung bawk.

McGinn goal khung tur siamsaktu Leon Bailey chuan minute 51-naah belhchhah ve lehin, Jhon Duran chuan chak nemnghehna goal a khung a, a tawpah 4-0 ngawtin Villa an chak - Everton hi league match hnih a zawnin an tlawm thung.

Aston Villa manager Unai Emery, "Chak loh hnua khelh dan tura ka beisei ang chiah a ni. Match hnih aṭangin point thum chiah kan nei a, a la tawk zo lo. Vawiin anga kan khelh zel a, hma kan sawn a ngai a ni," a ti a, a la duhtawk lo.