Betis-in Atletico an chelh

Pathianni zan La Liga inkhel ngaihven hlawhah Real Betis chuan Atletico Madrid an mikhual a, team pahnih hi 0-0 in an inhnehtawk.

Real Madrid aṭanga free transfer-a an lakluh Isco hoin Betis hian bul an ṭan ṭha viau a, Abner, Ayoze Perez leh Aitor Ruibal ten chance duhawm nei vek mah se, an hun ṭha neih an chhawr lo thung.

Chawlhlawk hman a nih hnuah Atletico an ziaawm hret a, mahse, Antoine Griezmann, Alvaro Morata leh Samuel Lino ten chance an nei vek chungin an hun ṭha neih an chhawr thei lo vek.

Hetihlai hian bench aṭanga luhtir Pablo Barrios che vel kha Atletico ṭantute tan chuan hmuh a nuam khawp ang - kum 20 mi attacking midfielder hian midfield a thununin a inkhel hmuh a nuam takzet.

A tawpa man of the match atana thlan erawh Isco a ni a, an league match hmasa bera 2-1 a Villarreal an hneh ṭum khan man of the match-ah thlan a lo ni tawh bawk.