Sept 6 aṭangin ADFA I & II inelna

(THLALAK : ADFA chuan B. Lalawmpuii, AMC Executive Corporator (Ward No IX) hnen aṭangin Sound System thar an dawng.)

Aizawl DFA hnuaia First Division leh Second Division club-te inelna chu September 6, Nilaini aṭangin ṭan a ni dawn. ADFA hnuaiah hian First Division club 10 leh Second Division club 16 an awm.

First Division hian inelna hi league-in an khel dawn a, a sang paliin semifinal an khel ang. Ruahman dan chuan league round hi October 28, Inrinnia zawh tur niin semifinal leh final hi October 30 - 31, 2023-a khelh tur a ni.

First Division club 10-te chu 1st Bn MAP Academy, Aizawl FC Academy, Bethehem VT FC, Dinthar FC, FC Bethlehem, Kanan FC, Mission Veng FC, Ramthar Veng FC, Sihphir Venghlun FC leh Tanhril FC ten an ni. Inelna hi RG Stadium leh Lammualah neih a ni ang.

Second Division-ah hian club 16 chu group paliah ṭhen an ni a, a sang pahnihin quarterfinal an lut dawn. Group A-ah Tuithiang FC, FC Zotlang, CCR FC leh Venghlui FC te an awm. Group B-ah Ramhlun North FC, FC Armed Veng South, Armed Veng leh Zemabawk North te an awm a, Armed Veng Derby hmuh tur a awm dawn.

Group C-ah Saikhamakawn FC, Chaltlang FC, Kulikawn FC leh Kulikawn FC te awmin group D-ah Hlimen FC, Zonuam FC, Orison FC leh Aizawl South FA te an awm bawk. Inelna hi 1st Bn MAP Ground, Lammual leh RG Stadum-ah te khelh tur a ni a; September 29, Zirtawpniah khelh zawh a ni ang.