Kevin Behrens-a'n hattrick a siam

Bundesliga-ah Union Berlin-in Pathianni zan khan Mainz 4-1 in an hneh a, German forward Kevin Behrens-a'n hattrick a siam - a lu hmang vekin a khung. Inkhel dangah Eintracht Frankfurt-in Darmstadt 1-0 in an hneh bawk.

Alte Forsterei-ah Behrens-a'n minute khat pawh tling loah vei lam aṭanga ball kal a tauh goal nghal. Minute kuanaah Behrens bawk hian dinglam aṭanga ball kal a tauh goal leh nghal.

Mainz-in penalty an hlah a, Anthony Caci hmangin second half-ah si phurh sut ṭhen mah se Behrens an ngam lo. German striker Behrens hian a lu hmang bawkin a khung a, kum 32 mi striker tan chanchin chhintlak tlak a ni.

Mainz striker Ludovic Ajorque erawhin vawi hnih ngawt penalty a hlah a, keeper-in a dansak ve ve. Tun season-a Champions League khel tur Berlin-in substitute Milos Pantovic hmangin injury time-ah an khung belh a, 4-1 in hnehna an chang.