Rohit Sharma hoin India an khel dawn

Nimin khan BCCI chuan Asia Cup-a India squad tur a puang. Rohit Sharma-a'n captain hna a chelh dawn a, vice captain atan Hardik Pandya ruat a ni bawk.

Asia Cup hi Sri Lanka leh Pakistan ten an thleng dawn a, team paruk Afghanistan, Bangladesh, India, Nepal leh Pakistan te an inel dawn.

Team paruk hi group hnihah pathum ve vea ṭhen darh an ni a, a sang pahnihin Super Four an lut ang. Super Four-ah hian vawi khat ṭheuh an inkhel kual chhuak leh ang a, a sang pahnihin final an khel ang.

Final hi September 15, Zirtawpni hian R. Premadasa Stadium, Colombo-ah khelh a ni dawn. India leh Pakistan te hi group khatah an awm avangin ṭum thum inkhel thei an ni a, chutihrualin ram pahnih hi an inhal avangin ṭum thum pawh inkhel se Sri Lanka-ah vek an khel ang.

India Squad

Rohit Sharma (Captain), Shubman Gill, Virat Kohli, Shreyas Iyer, Suryakumar Yadav, Tilak Varma, KL Rahul, Ishan Kishan, Hardik Pandya (VC), Ravindra Jadeja, Shardul Thakur, Axar Patel, Kuldeep Yadav, Jasprit Bumrah, Mohd. Shami, Mohd. Siraj, Prasidh Krishna

Standby: Sanju Samson