India-in series an la

India-in Pathianni zan khan Ireland chu 33 runs-in an hneh a, match khat khelh tur la awm mah se Men in Blue hian T20 sereis an la.

The Village, Ireland-a inkhelah mualneitu hian vawm hmasak an thlang. India tan Ruturaj Gaikwad (58), Sanju Samson (40) leh Rinku Singh (38) te an che ṭha a, 185/5 runs an siam.

Ireland tan opener Andrew Balbirnie-a'n 72 runs siam mah se thlawptu a nei lo a, over 20-ah 152/8 runs chauh an siam. India leh Ireland te hian August 23, Nilaini zan dar 7:30 hian ODI match thumna an khel leh ang.

Ireland-a series khelh zawhah hi chuan India hi Asia Cup atan an insawrbing a ṭul dawn a; September 2, Inrinni tlai dar 1:00-ah Pakistan nen Pallekele International Cricket Stadium, Sri Lanka-ah group match hmasa ber an khel ang.