Spain lal fanu hawrawp a chhia an ti

Spain lal fanu, Princess Leonor-in a hming a ziah leh sign-na thlalak social media lama a dah chhuah chuan ngaihven a hlawhin, a hawrawp a chhe lutuk tia sawisel a tawk zui nasa hle.

Princess Leonor hian Military Academy-a admission a tih hnuah, honor book-ah a hming hi a ziak a, a hming ziahna thlalak Spanish lal chhungkaw social media page-ah dah chhuah a ni. Mahse mi tam takin a hawrawp zawk hi rawn buaipuiin, hei aia hawrawp nalh zawka ziah a zir a ngaih thute an rawn sawi. Ṭhenkhat phei chuan official document-a hetiang hawrawp chhe lutuka a sign-a chu a tan pawh a zahthlak a, a nu leh pate chuan an zirtir ṭhat leh a ngai titein an sawi zui bawk.

Kum 17 mi, Princess Leonor hian UWC Atlantic,Wales aṭanga a graduate hnuah, kar liam ta Ningani khan General Military Academy, Zaragoza-a kum thum chhung military training a neih tur chu a zawm ṭan a ni.