Pro Fight-ah NT Biakkima

Tualchhung boxing inelna lian Tata SK 612 LPS Pro Fight-ah NT Lalbiakkima kan hmu dawn. Flyweight vawi nga champion tawh NT-a hi a category pangngaiah a inlan dawn a ni.

Siaha boxer NT-a chuan, "Pro Fight champion kawnghren hren leh ka duh a, kg 52 (flyweight)-ah ka tel dawn. Inbuatsaihna ṭha ka mamawh avangin inhnek tam ka duh a, tute mah ka hlau lo," tiin a sawi.

Kum 2014 khan a vawi khan nan Pro Fight-ah Biakkima a tel a, champion lai Laldinmawia (Tuipui) hnehin kawnghren a chhuhsak. Kum 2015, 2016, 2017 leh 2019-ah title a humhim a; Covid-19 leng vangin 2020 leh 2021-ah buatsaih a ni lo va, 2022-ah tharthawh leh niin a tel ve lo.

Pro Fight buatsaihtu lamin Title Fight-ah Pro Fight-a tel si lo Mizo boxer langsarte tan professional inhnek zeh tel a tum a. Heta inlan tur zingah hian Biakkima tel mah se, vawi tam zawk inhneka a dinhmun chawi kang leh turin Pro Fight-a tel ngei a duh a ni.