Magpies-in Lewis Hall an la lut

Newcastle United chuan tlarhnung tihchhah nan Chelsea rawlhar duhawm Lewis Hall an la lut. Kum 18 mi Hall hian loan-in St James' Park hi a zawm phawt ang a, nakkum nipuiah a nghetin a lut ang.

Hall hian loan hmanga a zawm chhan hi Magpies-in Financial Fair Play dan an zawm theih nan a ni ber a, ziakin loan ni mah se a nihna takah chuan a ngheta lut a ni.

English left back Hall-a man hi pound maktaduai 28 a ni dawn a, a chet ṭhat dan a zirin pound maktaduai sarihin a pung dawn.

Chelsea leh Magpies inremnaah hian sell on clause a tel a, Hall hian St James' Park a chhuahsan a nih chuan Blues-in a hlawkna a tel ve dawn.

Hall hi left back anga hriat lar ni mah se winger leh midfield-ah pawh chhawr theih a ni. Magpies hian match hmasa pahnihah Dan Burn an chhawr a, English defender hi centre back-ah a khelh theih bawk avangin Hall hi squad tihchhahna satliah ni loin chhawr theih tur zinga mi a ni ang.