Harden-a pawisa an chawi tir

James Harden chu Philadelphia 76ers president Daryl Morey laka a ṭawngkam mawi lo vangin hrem a ni. NBA chuan Harden hi $100,000 (Rs 82,83,650) an chawitir.

Harden hian chhuah a duh a, club dang nen pawh indawrna an nei. Mahse, Los Angeles Lakers nena an inbiakna chu a tlawlh niin khawtlang chanchinbu mite chuan an tarlang.

Thil thlen danah Harden a lawm lo. August 14 khan China rama hun an hmannaah Harden hian Morey-a chu dawt sawi hmang tiin a sawi a, ani thuneihna hnuaiah chuan inkhelh a tum tawh loh thu a sawi hial.

NBA chuan thuchhuah siamin, "Player chuan a contract a zah tur a ni a, team dang a la zawm hma chuan club tan a rinawm tur a ni," an ti. National Basketball Players Association lam pawhin NBA thutlukna hi an hriatthiam thu an sawi ve a, mahse dan bawhchhiat erawh a awm lo niin an sawi ve thung.