US Open khel lo tur Halep

United States Tennis Tennis Association (USTA) chuan US Open khel tur an tarlang a, damdawi hman phal loh chungchang avanga buaina nei lai Simona Halep a tel ve lo.

US Open atan main draw khel tur a la hriat loh, qualifier khel tur zingah pawh Halep hi a tel lo tihna a ni. Romanian nula hi season hmasa US Open khelh dawnah khan, damdawi hman phal loh Roxadustat a hmang tih hmuhchhuah a ni.

He damdawi hi kal (kidney) lam ṭha loten an ei ṭhin - European Union lam chuan hman an phal. Mahse, International Tennis Integrity Agency lamin an rem ti lo a, kumin May thla khan harsatna dang a lo nei leh tawh bawk.

Kum 31 mi Halep hi Romanian nula zinga chuan world number 1 ni thei hmasa ber a ni. Season hmasa US Open-ah khan seeded pasarihna a ni a, kuminah erawh a hmun ruakah Taylor Townsend a inlan thung ang.

August 28 aṭanga September 10 chhung hian New York khawpuiah US Open khelh a ni leh dawn. Hard court inelna lianah hian lawmman atan dollar maktaduai 65 sem chhuah a ni dawn a, tennis tournament zinga lawmman tamna ber a ni leh dawn a ni.