Livakovic-a'n Fenerbahce a zawm dawn

Croatia international goalkeeper Dominik Livakovic chuan Turkish club ṭha Fenerbahce a zawm hnai. Kum 28 mi Livakovic hian contract tifel turin Istanbul a thleng tawh a, he thu i chhiar meuh chuan Fenerbahce player a ni thei tawh hial ang.

Livakovic hian Croatia a la chhuah lo a, NK Zagreb aṭanga bul ṭanin Dinamo Zagreb-ah hming a chher. Kum 2019 aṭangin Croatia first keeper a ni a, World Cup 2022-ah khan Japan leh Brazil an hneh ṭuma penalty shootout-a a chet ṭhat avangin a hming a chher hle.

Fenerbahce keeper Altay Bayindir erawh Manchester United zawm tura sawi a ni a, euro maktaduai sarih man bawr vel tur a ni. English club hian David de Gea aiah Andre Onana an la lut a, Cameroonian keeper thachhang dawltu tur hi an mamawh a ni.