PV Sindhu a tla nghal

Badminton inelna lian World Championship khelh laiah PV Sindhu chu a match hmasa berah a chak lo. Indian player dang HS Prannoy leh Lakshya Sen te erawhin an khingpui hnehin third round an inhlangkai thung.

World Championship bikah Sindhu hian medal panga ngawt a la tawh - Indian player zinga sulhnu nei ṭha ber a ni. Mahse, season a hman ṭhat loh a la kaltluang zel; Japanese player Nozomi Okuhara lakah 14-21, 14-21 in a chak lo.

Olympic medal vawi hnih la tawh Sindhu hian tun hnaiah result a nei ṭha thei lo a, tun inelna neih laiah pawh hian seeded 16-na a ni phak hram. World Championship a khelh ve tawh chinah quarterfinal a luh phak loh vawi khatna a ni.

Mipa singles lamah Prannoy chuan Chico Aura Dwi Wardoyo chu 21-9, 21-14 in a hneh. World number 6 Prannoy hian a match lehpekah chuan Singapore tlangval Loh Kean Yew a hmachhawn leh ang.

Inkhel dangah Sen-a chuan world number 51 Jeon Hyeok Jin chu 21-11, 21-12 in a hneh ve bawk a ni