Wolves-in Manchester City dilna an hnawl

Manchester City chuan Portugal midfielder Matheus Nunes man atana pound maktaduai 47 thehchhuah huamin Wolves an dawr a, Premier League champion dilna hmasa hi hnawl a ni.

Nikum nipui khan Wolves hian pound maktaduai 38-in Sporting Lisbon aṭangin Nunes hi an la lut a, kum nga daih contract an ziahpui. Nunes hian Wolves tan season khat khel tawhin league match 34 a khel a, goal khat a khung.

City hian hliam vanga midfielder pawimawh Kevin De Bruyne chu thla li chhung an chân dawn avangin a thlakna tur an zawng mek. Crystal Palace winger Eberechi Eze nen pawh City hi sawizawm an ni.

Pep Guardiola hote hi West Ham midfielder Lucas Paqueta nen pawh an sawizawm a, amaherawhchu Brazilian midfielder hi inthapnaa (betting) a inhnamhnawih avanga enthlak mek a ni. Paqueta hi thiam loh a chan chuan hrem theih a nih avangin City-in player dang an melh leh ta zawk.