Man United-in Burnley an hneh lo

Manchester United-in an training-na hmun Carrington-ah entu awm loin Burnley nen Nilani khan friendly match an khel a, 3-0 in an chak lo. Erik ten Hag-a hote hian season bul an ṭan ṭha lo a, Wolves an hneh hram hnuah Harry Kane-a chhuahsan Tottenham Hotspur an hneh lo.

Man United tan hian player 15 an khel a, heng zinga player pariat hi first team tan an la khel ngai lo. Vicent Kompany erawhin first eleven-ah team ṭha ber a luhtir a, second half-ah a thlak thlawk thung.

Ten Hag-a hoten Premier League kai thar an hmachhawn chhan hi player-ten fitness an neih theih nan a ni a; Jonny Evans, Scott McTominay, Donny van de Beek, Hannibal Mejbri, Facundo Pellistri leh Anthony Martial ten Clarets hi an hmachhawn. First team squad dang erawhin training an nei thung.

Burnley erawhin kartawpah match an nei lo a, hei vang hian an ṭhat dan bera khelh hi tunkar tawp atana intuai hriam nan a pawimawh thung. Man United hian August 26, Inrinni zan hian Nottingham Forest an mikhual ang.