Balogun ngaihventu an hrawl

Arsenal striker Folarin Balogun chuan Emirates Stadium a chhuahsan ngei dawn niin a lang a, tun hnaiah amah duhtu club an hrawl hle. Chelsea leh Inter Milan bakah AS Monaco chuan Balogun hi an ngaihven a ni.

Kum 22 mi Balogun hian theihna sang tak a nei, season hmasa khan Ligue 1 club Reims tan loan hmangin a khel a, inelna hrang hrangah goal 22 khungin a che ṭha hle. Mahse, Gunners coach Mikel Arteta-a'n a ruahmannaah a telh chuang lo.

United States interna-tional hi Arsenal squad-ah chuan telh a ni. Amaherawhchu, an striker rinrawl Gabriel Jesus a inhliam chungin Premier League match hnih an khelh tawhah Balogun tan hmun a awm chuang lo a ni.

North London club hian an striker manah pound maktaduai 50 bawr an chhiar niin an sawi. Balogun a duh ber erawh inkhelh tam theihna a ni a, player a chhuak duh a, club lamin chhawr an tum lem lo bawk a nih chuan a man an chhiar zat hi nasa takin a la tlahniam thei ang.