Zaninah CYMA Carrom 'Pen Hawnna'

Central YMA leh Mizoram Carrom Association buatsaih LBS Suzuki Gixxer 1st Inter Branch YMA Carrom Tournament 2023 'Pen Hawnna' chu zanin 8:00 hian LPS Studio-ah neih a ni dawn.

CYMA asst secretary Prof Malsawmliana'n pen hawnna hi a nei dawn a, LPS-ah live-a pekchhuah a ni ang.

CYMA Carrom inelnaah hian branch 54 an tel dawn a; Aizawl khaw chhung aṭangin branch 42 leh Aizawl khaw pawn aṭangin branch 12 an ni.

Inelna hian ni li chhung a awh dawn a, August 29, Thawhlehni aṭangin ṭan a ni ang a, September 1, Zirtawpniah khelh zawh a ni dawn.