Chawnpui chakna Thanga

MPL champion lai Chawnpui FC-in an match hmasa berah harsatna nei loin kai thar Project Veng FC 4-1 in an hneh.

Chawnpui tan Vanlalthanga a che ṭha a, minute thumna lekah kawh zeta a pet goal bakah minute 16-naah mawi zetin keeper a pet khum.

Kolasib club-in minute 30-naah penalty an hlawh chhuak a, Andy Lalrinpuia'n si phurh a sut ṭhen.

Project Vengin beiseina nei mah se Lalbiaknia Royte-in goal ṭha bik a khung a, dinhmun ṭhaah Chawnpui an ding nawn. Chawnpui goal thumna hi, Vanlalremkima (Tetea) ball vawrhluh chu Biaknia'n box pawnah la thlain goal kilah a pet lut.

Kolasib club an khel chhe lo a, MPL champion lai pawh khingtawk viauin lang mah se hun pawimawhah an tawnhriat neih tlem a lang. Chawnpui erawh goal hmaah an hriam a, second half-ah defender Lalhmangaihsanga'n goal lina a khung.

I Day Football-ah Chawnpui FC-in vannei takin Kolasib club an hneh a, inelna takah erawh Project Veng ruh a la no deuh. Chawnpui an phu angin 4-1 in an chak.