Electric Veng lakah Aizawl FC an vannei

MPL10-ah Aizawl FC-in chakin bul an ṭan a, an chak danah erawh vanneih a tel. I League club hian Lalrinzuala hmangin 1-0 in Electric Veng FC an hneh a, Electric Veng penalty shout ṭum thum pek an ni lo vek.

Aizawl FC hian Odisha FC aṭanga loan hmanga an lak Lalhrezuala Sailung chu Lalmuanawma (Munez) kawppui turin an thlang a, midfield-ah Lalramsanga dah ṭhain player naupang zawk an thlang.

I League club-in Electric Veng tlarhnung ṭhiah an harsat a, chutihrualin R. Lalthanmawia (Amawia) ball pet, goal ban a per hnua goalline-a lir chho erawh a hlauhawm hle.

Electric Vengin chance ṭha an ngah zawk a, Malsawmsanga ball pet a kawh ṭha. Captain C. Lalhriatpuia a khel ṭha a, goal hmaah a vannei tawk lo.

Chutihrualin Hriata tauh let, Joseph Lalsanglura ball tauh chu goalline aṭangin keeper Lalhriatpuia'n a dang ṭha hle.

Second half-ah EFC keeper Puia'n holam takin corner kick a chawi a, minute 55-naah Amawia corner kick pet chu Rinzuala'n a tauh goal. I League club hian goal chance an nei chhunzawm lo a, Electric Veng erawhin chance nei mah se an bawhpelh. EFC hi vanneih ṭum ni se penalty hlawh chhuak thei an ni a, ṭum thum ngawt penalty beisei mah se pek an ni lo vek.

Round 1

Nimin Inkhel Result

Aizawl FC 1 - 0 Electric Veng

AFC: Lalrinzuala 55'

MoM: Lalrinzuala, AFC