Al Nassr tan Ronaldo hattrick

Cristiano Ronaldo chuan Al Nassr tan hattrick a siam bakah assist vawi khat a nei a, a club hi tun season Saudi Pro League-a an chak vawi khatna ni turin Al Fateh lakah 5-0 in a chakpui.

Ronaldo bakah hain Bayern Munich forward hlui Sadio Mane-a'n goal hnih a khung, a goal hmasa zawk hi Ronaldo-a'n a siamsak niin Manchester United forward hlui 'flick' hi a mawi takzet.

Portugal captain hian goal hnih a khung hnuah Mane-a'n goal hnih a belh a, hun tawp dawnah Nawaf Boushal hnen aṭanga a ball hmuh chu hattrick siam nan a hmang leh bawk a ni.

Manchester United forward hlui Ronaldo hian Al Nassr tan hattrick vawi thum a siam leh der tawh. Saudi Pro League an match hmasa pahnihah an chak lo a, tunah chuan point thum hmuin team 18 zingah 10-na an ni.

August 29, Thawhlehni zan dar 11:30 hian an league match lina atan Al-Shabab an mikhual leh ang.